Samstarf á sviði sjálfbærni og nýsköpunar í ferðaþjónustu


Háskóli Íslands og INCAE-viðskiptaháskólinn í Kosta Ríku hafa undirritað viljayfirlýsingu um samstarf á sviði sjálfbærni og nýsköpunar í ferðaþjónustu. Ætlunin er að kanna möguleika á sameiginlegum rannsóknarverkefnum og samstarfi í kennslu og þróun námsefnis.

Anna Dóra Sæþórsdóttir, deildarforseti Líf- og umhverfisvísindadeildar og prófessor í ferðamálafræði, skrifaði undir viljayfirlýsinguna ásamt Sigurði M. Garðarsyni, forseta Verkfræði- og náttúruvísindasviðs Háskóla Íslands. Jaime Garcia, forstöðumaður verkefna á sviði vísitölu félagslegra framfara (social progress index) undirritaði viljayfirlýsinguna fyrir hönd INCAE. Að þeirra sögn er aukið samstarf skólanna góður kostur. Þó að margt skilji löndin að eru ýmis líkindi með uppbyggingu og hlutverki ferðaþjónustu í Kosta Ríku og á Íslandi. Ferðamenn koma vegna einstakrar náttúru, ferðaþjónustan hefur vaxið hratt og í báðum löndum er mikilvægt er að byggja upp innviði, þekkingu og hæfni til nýsköpunar. Kosta Ríka er leiðandi í þróun sjálfbærrar ferðaþjónustu sem tekur mið af Heimsmarkmiðum Sameinuðu þjóðanna og er mikið starf unnið á því sviði hjá INCAE-viðskipta-háskólanum.

Sjálfbær þróun hefur verið grunnþáttur í námi í ferðamálafræði við Háskóla Íslands og Heimsmarkmið Sameinuðu þjóðanna undirstrika mikilvægi menntunar og rannsókna á því sviði.

Recent Posts
Archive
Search By Tags
Follow Us
  • Facebook Basic Square
  • Twitter Basic Square
  • Google+ Basic Square
  • Facebook - White Circle
  • White Twitter Icon
  • LinkedIn - White Circle
  • YouTube - White Circle

© 2019 SPI  local partner á Íslandi - Cognitio ehf