Framfaravogin 2022

Miðvikudaginn 31. ágúst verða niðurstöður Framfaravogarinnar 2022 kynntar í Grósku, Mýrin kl 14:00

Framfaravogin 2022 er gefin út í fimmta sinn í ár og nú með enn víðtækara sniði. Útgáfan í ár er reiknuð fyrir 9 stærstu sveitarfélög landsins og nær til um 80% af íbúum landsins. Sveitarfélögin Kópavogur og Sveitarfélagið Árborg standa að baki þróun vísitölunnar. Framfaravogin byggir á aðferðafræði Social Progress Imperative um vísitölu félagslegra framfara (e. social progress index). Framfaravogin er verkfæri sem ofangreind sveitarfélög hafa unnið að þróun að á undanförnum árum og segir til um hvernig félagslegar framfarir eru í viðkomandi samfélagi. Framfaravogin nýtist bæjarfélögum við að takast á við áskoranir framtíðarinnar, vega og meta stefnumótandi ákvarðanir að úrbótum og leggja línur að innleiðingu heimsmarkmiða Sameinuðu þjóðanna.  Hér er um að ræða stjórntæki sem öll sveitarfélög í landinu geta tileinkað sér. Dagskrá fundar: - Ávarp, Michael Green, forstjóri og stofnandi Social Progress Imperative - Framfaravogin 2022 Gunnar Haraldsson og Haraldur J Hannesson, hagfræðingar - How to use the SPI results at the municipal level Tony Doherty & Cllr Saima Ashraf, London Borough of Barking and Dagenham - Umræður og fundarlok Fundarstjóri Rósbjörg Jónsdóttir,  Fundurinn verður haldinn í Mýrinni í Grósku (jarðhæð) kl 1400. Mikilvægt er að skrá sig á fundinn en fundinum verður ekki streymt.